Hindi cinema mein veshyavritti chitran

Abstract

Prastut shodh ka sheershak hai quothindi cinema mein veshyaavrtti chitranquot. isake antargat veshyaavrtti aadhaarit hindi sinema mein chitrit veshyaavrtti tatha veshyaon ke pramukh kaaranon tatha samasyaon ko sanvedanatmak roop se vishleshit kiya gaya hai. sabhyata, samaaj, evan vivaah sanshtha ke saath samaaj ka abhinn ang rahi veshyaon ki kaarunik sthiti ka vishad vivechan kiya gaya hai. hindi sinema mein chitrit purushavaadi sanskrti tatha samaaj dvara nirmit veshyaon ke gahan bhaavon, unaki aatmik cheekh, maun cheetkaar, asahaay jeevan, santraas tatha naari vedna ki maarmik abhivyakti ki gayi hai. shodh prabandh ke antargat veshya tatha veshyaon ka arth evan paribhaasha, aitihaasik pariprekshy tatha veshyaon ke sanvaidhaanik adhikaaron par vistrt charcha kee gayi hai. chayanit philmon ke baad veshyavrtti ke pramukh kaarano yatha dhaarmik, aarthik, manavtaskari, parivarik, samajik, shaikshik, prashasnik aadi karno par vistrit vivechna ki gayi hai. Purushwadi samaj tatha sanskriti mahilaon, bachhiyon tatha ladkon ko ek shadyantra ke tahat veshyavritti ke jaal me fansati hai. Unhen parivar tatha samaj se se alag kar diya jaata hai. Unki pahchhan badal kar unhen samaj ke hashiye par lakar khada kar diya jata hai. Manav taskari tatha anya karno ka shikar mahilaye is vyavsaay ko apnaane ke liye vivash ho jati hain. Veshyalay me kadm rakhne ke bad unhe mansik tatha shareerik taur par anek prakar se vivash kar antim saans tak veshya hi bane rahne ke liye vivash kar diya jata hai. Iske atirikt vaishyaon ke avyakt bhaavon ko philmaankan ke maadhyam se sookshamata se vishleshit kiya gaya hai. samaaj mein prakaash daala gaya hai. veshyaalay tatha samaaj dvaara die anek yantranaon ko jhelate huye bhee unakee jijeevisha, himmat, duniya se ladane kee taakat ko darshaaya gaya hai. veshyaon ko samaaj mein ek ek sammaaneey vyakti ke roop mein sthaapit karane ka prayaas kiya gaya hai. newline