Nostagia ke sandarbh mein prawasi Hindi upanyas san 2001 se 2020 tak

Abstract

Nostalgia maanav man kee pravrtti hai. yah sarvakaalik aur saarvabhaumik bhaav hai jo sarvamaany evan saarvajaneen hai us vyakti aur samudaay ke lie jo kisee na kisee bahaane apane parivesh se kate hue hain. ghar se juda grhaanuraag ka bhaav hee nostalgia ka pratham sopaan hai. jab vyakti apane ghar ya desh se door kaheen doosaree jagah par bas jaata hai. tab use apane maatrbhoomi aur apane desh kee bahut yaad aatee hai. ye yaaden use vartamaan se hataakar ateet mein le jaatee hain. kaee baar to usakee smrtiyaan ya yaaden itanee gaharee ho jaatee hain ki vah udaasee se ghir jaata hai. grh ke prati is anuraag ko pravaasee upanyaason mein nostalgia ke maadhyam se vyakt kiya gaya hai. pravaasee rachanaakaaron dvaara Hindi bhaasha mein likhe gae upanyaas keval bhaavon kee abhivyakti maatr nahin hain balki isake maadhyam se ve apane chhod aaye hue desh ke saath vaartaalaap sthaapit karate hain. shodh-prabandh nostalgia ke sandarbh mein prawasi Hindi upanyaas (san-2001 se 2020 tak) saat adhyaayon mein vibhaajit hai tatha isamen chhah deshon ke gyaarah rachanaakaaron dvaara rachit chaudah upanyason ko shaamil kiya gaya hain| prawasi upanyasakaaron ne apane vyaktigat gyaan aur anubhav se prawasi saahitya ko ek nayee theem di hai jisamen ateet, smrti, prawasan ka dard, jadon se katane ka sangharsh, us sangharsh se upaja ajanabeepan, asaphal prem-sambandh, vivaah mein asthaayeepan, parivar sanstha ke prati udaaseenata, dohare shoshan ka shikaar stree man, naslavaad ki samasya, saanskrtik aaghaat, saamaajik sangharsh, raajanaitik lagaav aadi samasyaon ka vishleshan nostalgia ke maadhyam se kiya gaya hain. Prawasi upanyaasakaaron dvaara rachit upanyaason kee vishay-vastu evan saarokaar ekaangee nahin hai balki isamen apane samay kee tamaam halachalon ko mahasoos karate hue bhaarateey evan paashchaaty samasyaon se paathakon ko roobaroo karaaya gaya hai.