Shailivigyan mein chayan evam sanyojan Om Prakash Valmeeki kee aatmkatha evam kahanion ke sandrabh mein

Abstract

Bhasha abhivyakti ka sashakt madhyam hai. Bhasha ke dwara manushya apne man me utppan bhavo evam vicharon ko dusro ke samaksh prakat karta hai aur svayam dusro ke bhavon aur vocharon ko samjhne me Samarth hota hai. Manushay ka astitav samaj sapeksh hota hai. Yah samaj hi hai jo jeevan se lekar marityu tak ek sahyogi ke roop mein kaary karta hai. Ath hum kah sakte hai ki manushay ek samajik prani hai jo samaj me rahkar apna jeevan yapan karta hai, ttha bhasha ke madhyam se apne bhavo aur vicharon ko abhivykat karne ke liye jin madhyamon ka prayog karta hai, unme bhasha sarvadhik sashakt madhyam hai. newlineOmprakash valmiki vartamaan dalit sahitya ke pratinidhi rachnakaron mein se ek hain. Inkaa sahitya mein bhartiya dalit samaj ke darshan hote hain. Valmiki ji apne oajpoorn sashakt sahitya ke kaaran aaj hindi sahitya me charchit evm prasidh vyakti maane jate hain. Unka sahitya unke dwara bhoge huye yatharth prkat karne mein saksham hain. Valmiki dalit sahitya ke jaane-maane purodha hain. Inhone apne sampoorn sahitya mein dalit jeevan ki poori vyatha-katha ko vyakt kar apni vivaksha ko sampoorn roop se sampreshit karne ka kaary kiya hai. Aanyay ttha samaj wyastha ke prti unke seene me jo aakrosh tha. Vhi aakrosh ne unke sahitya me aakaar prapt kiya hai. Prtham adhyay shaili aur shailivigyan se sambandhit hai. Jisme shailli aur shailivigyan ko paribhashaon me bandhne ka prayas kiya gaya hai. Shodh- prabandh ka doosra adhyay chayan evm sanyojan se sambandhit hai. shodh prabandh ka tritya adhyay gadhy bhasha se sambandhit hai jisme prayojan ke aadhaar par teen prakar kiye gaye hain. Samanya bhasha, kavybhasha evm kathabhasha. Shodh-prabandh ka chaturth adhyay omprakash valmiki ke vyaktitav evm kartitv se sambandhit hai. Jisme unke ke aarthik, saamajik evm graamin sangrsh ko dikhane ka pryas kiya gaya hai. Shodh-prabandh ka pancham adhyay omprkash valmiki dwara likhit aatmkatha joothan se sambandhit hai. Yahan chayan evm sanyojan ke sahare aatmkatha ka nirvachan evam vishleshan kiya gaya hai.