Saadat Hasan Manto ke sahitya mein pratirodh chetna

Abstract

Pratirodh Chetna Kisi bhi samaj ka apariharya mulya hai. Jiske madhyam se samaj mein sthapit rudhivadi mulya parampara ko samapt kiya jata hai. Pratirodh Chetna manushya ke antarjagat mein ghatit hota hai, jiske karan vah sawal uthata hai, sandeh karta hai aur aswikar karta hai. Is prakar Pratirodh Chetna samajik gatishilta ka mahatvapurn niyamat hai. Rachnakar apni rachnaon ke madhyam se yatharth ka praktikaran karta hai. Vah pathak ki samvedna se judta hai, uske mansik sangharsh ka chitran karta hai parantu aisa sadaiv sambhav nahin ki sahitya dwara samaj mein Parivartan aa hi jaaye. Yah avashya pramanit hai ki bahut sa sahitya samaj mein parivartan ki neev Rakhta hai, use agragami banata hai. Sahityakaar apne srijan ke alok mein pathak mein badlav lata hai aur fir pathak samaj mein badlav lata hai. Yah ek anyonyashrit prakriya hai. Rachnatmak karam use prkriya ke bich setu hai. Is prakar sahityakar apne rachna karam se vyakti ka mansik sanskar karta hai. Vah pathak mein Pratirodh Chetna ka sanchar Karke use shoshan v utpidan se mukti Ke path per agrasar karta hai. Sahitya ekmatra aisa madhyam hai jo bina anubhav ke anubhuti ke str tak ja sakta hai. Jisse vaicharik falak ka nirman hota hai. Vyakti pratyek str per jivan ke stya se sakshatkar karne mein saksham ho pata hai. Urdu Sahitya mein Saadat Hasan manto ne yah daayitv bakhubi nibhaya hai. Manto ki drishti mein yatharthvad ki anubhuti ko samajhne, swikarne aur jaanane ke liye Pratirodh Chetna ekmatra madhyam hai. Unhone samaj ki visangatiyon ka yatharth chitran kiya hai aur apni rachnatmakta ke madhyam se samaj ke dalit, shoshit, pidit varg mein anyay newlineanaitikta aur amanviyata ke Khatme ke liye tivr utkantha paida karne k prayas kiya hai. Pratirodh Samajik, Rajnitik, Dharmik ya kisi bhi vyavastha mein parivartan ka aadhar hai. Yah avashyak hai ki Pratirodh kiya jaaye tabhi parivartan sambhav hai. Jab samaj mein anya v anaitikta ka str badh jata hai tab Pratirodh Chetna dwara hi samuhik hiton ki raksha ki ja sakti hai.