Manmohan Sehgal ke upnyason main manav mulya

Abstract

Dr. manamohan sahagal ke upanyaas saahity mein jeevan ke pratyek pahaloo ko bade sookshmata se varnit kiya gaya hai. maanaveey man, buddhi evam aatma ko shuchi, paavan evam ujval banaane hetu maanav, dharm kee sharan leta hai; sanshay- shankaen mitaane ke lie use darshan kee aavashyakata padatee hai aur jeevan kee niraasha avasaad mitaane ke lie adhyaatm usaka path pradarshan karata hai aur inheen ko jab manushy jeevan mein poornat: sa leta hai to vahee usaka jeevan darshan banaata hai. jeevan ho ya saahity dharm darshan-adhyaatm se juda ho to ho saarthak hai. do sahagal ke upanyaason mein is drshtikon ko poornat: saarthak evan charitaarth kiya gaya hai. Choonki samaaj evam manovigyaan donon hee vyakti se sambaddh hain, maanav ke baahy kriya kalaap, vyavahaar, doosaron se sambandh, paarivaarik rishte-naate yadi samaaj se jude hain to usaka aantarik paksh jisamen bhaavanaen, sanvedanaen, manahsthitiyaan, preranaen, shaamil hain; manovigyaan se sambandhit hain. astu vyakti ke samuchit vikaas ke lie samaaj manovigyaan ka mahattv akshunn hai, yah sutaraan spasht hai. Dr. manamohan sahagal ke upanyaason ko padhate hue meree chetana isee anubhav se gujaree hai ki in krtiyon mein hamaare saamaajik parivesh aur usamen vyaapt bhaarateey sanskrti ke bhinn aayaamon ka mani-kaanchan yog lakshit hota hai. inheen aayaamon ke svaroop ka nirdhaaran agale adhyaay : saanskrtik adhyayan kee dishaen mein karane ka prayaas hai. tadantar isee aadhaar par unake upanyaason ka vyaavahaarik adhyayan prastut karane ka vinamr prayaas rahega. bhautikata, audyogeekaran va vishv raajaneeti mein aae mooly sam ke is yug mein maanav jaati ko aarthik-raajanaitik kaaranon ne kitana bhrasht, moolyaheen va sanvedan shoony kar diya hai is peeda ke saath-saath upanyaasakaar ne samay kee hekadee va manamaanee tatha deenaheen varg va raashtr kee bahusankhy janata kee pauda ka atyant sateek, maarmik evan nishpaksh ankan kiya hai. newline